தேவையான பொருட்களை எடுத்துக் கொள்ளவும். ஒரு பவுலில் முட்டையை உடைத்து ஊற்றி அதனுடன் நெய், பால் பவுடர் சேர்க்கவும்

கோதுமை மாவு சேர்த்து கலந்து உப்பு சேர்க்கவும்

பிறகு பேக்கிங் சோடா, ஏலக்காய்தூள் சேர்த்து மாவை நன்கு பிசறவும்

மாவை நன்கு ஒரு சேர பிசைந்து உருட்டி கொள்ளவும், ஈரப்பதம் இல்லை என்றால் மட்டுமே சிறிதளவு பால் தெளித்து பிசையவும். கல்லில் சப்பாத்தியை தேய்ப்பது போல் செவ்வக வடிவத்தில் சிறிது கனமாக தேய்க்கவும்

இதனை நீளவாக்கில் இரண்டு துண்டுகளாக போட்டு அதனையும் சிறு சிறு துண்டுகளாக போடவும். இப்போது இது இருக்கட்டும்

பாத்திரத்தில் சீனி சேர்த்து அதனுடன் கால் கப் தண்ணீர் ஊற்றி நன்கு கொதிக்க விட்டு மிதமான தீயில் இரண்டு நிமிடங்கள் வைத்து அடுப்பை அணைக்கவும். பாகு ரெடி.

ஒரு கடாயை வைத்து எண்ணெய் விட்டு காய்ந்ததும் துண்டுகளை சிறிது சிறிதாக போட்டு மிதமான தீயில் வைத்து சிவக்க பொரித்து எடுக்கவும்

சூடான சர்க்கரை பாகில் சேர்த்து, அரை மணி நேரம் ஊறவிட்டு பிறகு எடுத்து பரிமாறவும். டேஸ்டியான மலபார் மில்க் கேக் ரெடி