1/2 கிலோ பாகற்காயை கழுவி பொடியாக நறுக்கி வைக்கவும். குக்கரில் 2 டேபிள்ஸ்பூன் தண்ணீர், 2 டேபிள்ஸ்பூன் தயிர் 1/4 டீஸ்பூன் மஞ்சள்தூள், உப்பு சேர்த்து 2 விசில் வேகவிடவும்.

பாகற்காய் வெந்தவுடன் தண்ணீரை வடித்து தனியாக எடுத்து வைக்கவும். ஒரு பெரிய வெங்காயம் மெலிதாக நீளவாக்கில் நறுக்கி வைக்கவும். 6 பல் பூண்டு நறுக்கி வைக்கவும்.

கடாயில் 3 டீஸ்பூன் ஆயில் விட்டு 1 டீஸ்பூன் கடுகு, 1 டீஸ்பூன் சீரகம், 2 வரமிளகாய் கிள்ளியது தாளித்து, நறுக்கிய வெங்காயம் பூண்டு சிறிது கறிவேப்பிலை சேர்த்து நன்கு வதக்கி விடவும். ஒரு டீஸ்பூன் மிளகாய்த்தூள் சேர்த்து வதக்கவும்.

வதங்கியவுடன் வெந்த பாகற்காய் 1 டீஸ்பூன் அம்சூர் பவுடர் சேர்த்து வதக்கி விடவும். அடுப்பை சிம்மில் வைத்து மூடி 10 நிமிடம் வேக விடவும்.

1 டேபிள் ஸ்பூன் அளவு வெல்லம் பொடித்ததை சேர்த்து கிளறி விட்டு இறக்கவும்.