உருளை கிழங்கு குருமா🥔/potato/

ஒரு பிரஷர் பானில் நாலு உருளைக்கிழங்கை வேகவைத்து தோலுரித்து சதுர வாக்கில் அரிந்து வைத்துக்கொள்ளவும். அரைக்க தேவையான பொருட்களை எடுத்து வைத்துக் கொள்ளவும். 2 தக்காளியை மிக்ஸியில் விழுதாக அரைத்து வைத்துக் கொள்ளவும்.இரண்டு பச்சை மிளகாயைக் கீறி வைத்துக் கொள்ளவும்.ஒரு பெரிய வெங்காயத்தை சன்னமாக அறிந்து கொள்ளவும்.

உருளைக்கிழங்கு வேகவைத்த பிரஷர் பேனில் ஒரு டேபிள்ஸ்பூன் எண்ணெய் சேர்த்து அதில் கடுகு, உளுத்தம்பருப்பு, சேர்த்து சிவந்தவுடன் பச்சை மிளகாய் வெங்காயம் கருவேப்பிலை சேர்த்து வதக்கவும். கொஞ்சம் வதங்கிய பிறகு அரைத்த தக்காளி விழுதை சேர்த்து நன்கு வதக்கவும். அதில் மஞ்சள் தூள், வரமிளகாய்த்தூள், கொத்தமல்லித் தூள், கரம் மசாலாத்தூள் உப்பு சேர்த்து நன்கு கலந்து விடவும்.

பூண்டுப்பல், இஞ்சி, கசகசா, பட்டை, லவங்கம், கல்பாசி, சோம்பு, தேங்காய் துருவல்இவற்றை கொஞ்சம் தண்ணீர் சேர்த்து மைய விழுதாக அரைத்துக் கொள்ளவும். விழுதை வேக வைத்த உருளைக்கிழங்கு உடன் சேர்த்து தாளித்த வெங்காயத்தில் சேர்க்கவும். தேவையான அளவு தண்ணீர் சேர்த்து நன்கு 5 நிமிடம் வரை கொதிக்க விடவும். பொடியாக அரிந்த கொத்தமல்லி தலை சேர்த்து நன்கு கலந்து விடவும்.