ஒரு குக்கரில் கொண்டக்கடலையை சிறிது உப்பு சேர்த்து அவை மூழ்கும் அளவு தண்ணீர் ஊற்றி 5 முதல் 6 விசில் வரும் வரை வேக வைத்து கொள்ளவும். ஒரு மிக்ஸி ஜாரில் வெங்காயம் மற்றும் தக்காளியை நன்கு மைய அரைத்து எடுத்துக் கொள்ளவும்.

ஒரு கடாயில் எண்ணெய் ஊற்றி சூடேறியதும் தாளிக்கக் கொடுத்துள்ள பொருட்களை சேர்த்து தாளித்து அதனுடன் அரைத்து வைத்த வெங்காய தக்காளி விழுதை சேர்த்து நன்கு பச்சை வாசனை போகும் வரை சுருள வதக்கிக் கொண்டு கொடுத்துள்ள தூள் வகைகள் மற்றும் கொண்டைக்கடலையையும் சேர்த்து வதக்கிக் கொள்ளவும்.

இதனுடன் கசூரி மேத்தி மற்றும் ஆம்சூர் பொடியையும் சேர்த்து தேவையான அளவு தண்ணீர் ஊற்றி 10 நிமிடங்கள் மூடி வைத்து வேகவைத்து சிறிது கொத்தமல்லி தூவி இறக்கினால் சுவையான மற்றும் சத்தான குஜராத்தி ஸ்டைல் வெள்ளை கொண்டைக்கடலை மசாலா தயார்.இதனை பூரியுடன் சேர்த்து சாப்பிட மிகவும் சுவையாக இருக்கும்.