முதலில் தேவையான பொருட்கள் அனைத்தையும் தயாராக எடுத்து வைக்கவும். ஒரு கடாயில் 2 டீஸ்பூன் எண்ணெய் விட்டு காய்ந்ததும் அதில் பட்டை வகைகள் சேர்த்து நன்றாக பொரிந்ததும் நறுக்கிய 2 பெரிய வெங்காயம் சேர்த்து வதக்கவும்.பின்னர் இஞ்சி பூண்டு சேர்த்து வதக்கவும். தக்காளி சேர்த்து வதக்கவும்.1/2 டம்ளர் தண்ணீர் சேர்த்து 5-7 நிமிடங்கள் வேகவிடவும்.

வேகவைத்த கலவை நன்றாக ஆறியதும் மிக்ஸியில் போட்டு அரைத்து வைத்துக் கொள்ளவும்.. இப்போது மசாலா ரெடி. அடுப்பில் வாணலியை வைத்து 2 டீஸ்பூன் வெண்ணெய் சேர்த்து உருகியதும் அதில் 1/4 பிரியாணி இலை,1 கிராம்பு,1/4 பட்டை சேர்த்து நன்றாக பொரிய விடவும்.அதில் பொடியாக நறுக்கிய வெங்காயம் சேர்த்து நன்றாக வதக்கவும்.பின் நறுக்கிய குடைமிளகாய் சேர்த்து நன்றாக வதக்கவும்.2 நிமிடங்கள் மட்டும் வதங்கியதும் அதில் அரைத்த விழுதை சேர்த்து நன்றாக வதக்கவும்.

மசாலாக்கு தேவையான தண்ணீர் மற்றும் உப்பு சேர்த்து நன்றாக கொதிக்க விடவும்.7-8 நிமிடங்கள் கழித்து கஸ்தூரி மேத்தி இலையை கையில் கசக்கி மசாலா உடன் சேர்த்து நன்றாக கலந்து கொள்ளவும்.இப்போது சூடான சுவையான பூரி, சப்பாத்தி, பரோட்டாக்கு ஏற்ற குடைமிளகாய் மசாலா ரெடி. நன்றி.ஹேமலதா கதிர்வேல். கோவை பாசக்கார பெண்கள்.