சாக்லேட் கேக் (Chocolate cake recipe in tamil)

முதலில் அவனை கண்வெக்சன் மோடில் 180 டிகிரி செல்சியஸில் ப்ரீஹீட் செய்ய வேண்டும். ஒரு பௌலில் சல்லடை வைத்து மைதா மாவு மற்றும் கொக்கோ பவுடர் சேர்த்துக் கொள்ள வேண்டும்.

அதனுடன் பேக்கிங் பவுடர், பேக்கிங் சோடா மற்றும் உப்பு சேர்த்து சலித்து சேர்த்துக் கொள்ள வேண்டும்.

சலித்து சேர்த்த மாவில் சர்க்கரை மற்றும் பால் சேர்த்து நன்கு கலக்க வேண்டும்.

முட்டைகளை ஒன்றன்பின் ஒன்றாக உடைத்து ஊற்றிக் கலந்து கொள்ள வேண்டும். அதனுடன் வெண்ணிலா எசன்ஸ் மற்றும் வெண்ணெய் சேர்த்துக் கொள்ள வேண்டும்.

கேக் மாவை நன்கு கலந்து தயார் செய்து வைத்துக் கொள்ள வேண்டும்.

ஒரு கேக் பேனில் சிறிது பட்டர் தடவி மைதா மாவு தூவி டஸ்ட் செய்து கொள்ள வேண்டும். பிறகு தயார் செய்து வைத்துள்ள மாவை பேனில் ஊற்றி விட வேண்டும்.

அவனில் வைத்து கண்வெக்ஷன் மோடில் 180 டிகிரி செல்சியஸில் 45 முதல் 50 நிமிடங்கள் பேக் செய்து கொள்ளவேண்டும்.

கேக் வெந்து விட்டதா என்று ஒரு டூத் பிக் வைத்து செக் செய்துகொள்ளவேண்டும். மாவு ஒட்டாமல் வந்தால் கேக்கை வெளியில் எடுத்து 10 நிமிடங்கள் கழித்து அன் மோல்ட் செய்ய வேண்டும். இந்த கிறிஸ்மஸ்க்கு சுவையான சாக்லேட் கேக் தயார்.