கருப்பு உளுந்தை கழுவி சுத்தமாக 10 மணி நேரம் ஊறவிடவும். ராஜ்மாவை 5 மணி நேரம் ஊற வைக்கவும். கடலைப்பருப்பை ஒரு மணி நேரம் கழுவி ஊறவைக்கவும். மூன்றையும் ஒரு குக்கரில் சேர்த்து கொள்ளவும். ஒரு காட்டன் துணியில் குறிப்பிடப்பட்டுள்ள முழு கரம் மசாலாவை சேர்த்து முடிச்சுப் போட்டுக் கொள்ளவும்.

இதனை குக்கரில் சேர்த்துக் கொண்டு கூடவே சேர்த்து மூடி வைக்கவும். குக்கர் ஒரு விசில் வந்தபின் சிம் செய்து 30 நிமிடங்கள் வேக வைக்கவும்.

ஒரு பாத்திரத்தில் வெண்ணெயை சேர்த்து சூடானதும் சீரகம் இஞ்சி-பூண்டு விழுது சேர்த்து வதக்கவும்.

வதங்கியதும் மிளகாய்த்தூள், சாட் மசாலா சேர்த்துக் கொள்ளவும். பின் அரைத்த தக்காளி விழுது சேர்த்து வதக்கவும்.

தக்காளி வதங்கிய பின் அரை கப் தண்ணீர் சேர்த்து மேலும் மசாலாவை வேக வைக்கவும்.5 நிமிடங்கள் கழித்து மீண்டும் வெண்ணி தெளிந்து வரும். வெந்த பருப்பை சிறிது மசித்து இந்த கலவையுடன் சேர்த்துக் கொள்ளவும்.5 நிமிடங்கள் மிதமான தீயில் கொதிக்க விடவும்.

இதில் பால் சேர்த்துக் கொள்ளவும். 20 நிமிடங்கள் மிதமான தீயில் வேக வைத்துக் கொள்ளவும். பிறகு இரண்டு மேஜைக்கரண்டி வெண்ணை சேர்த்துக் கொள்ளவும். வறுத்த கசூரி மேத்தி உள்ளங்கையில் நசுக்கி சேர்த்துக் கொள்ளவும்.

கூடவே ஜாதிக்காய் தூள் மற்றும் சுக்கு பொடி சேர்த்து கலந்து விடவும். 5 நிமிடங்கள் மிதமான தீயில் சமைக்கவும். தேவையான அளவு உப்பு சேர்த்துக் கொள்ளவும். கருப்பு உப்பு மற்றும் பிரஷ் கிரீம் சேர்த்து கலந்து விடவும்.பச்சை மிளகாய் மற்றும் காஷ்மீரி மிளகாய்த்தூள் தாளித்து இந்த மசாலாவில் சேர்த்து பரிமாறவும்.