மேற்கூறிய காய்கறிகளை படத்தில் காட்டியவாறு அரிந்து கொள்ளவும்.இந்த காய்கறிகளுடன் கொத்தவரங்காய் சேனைக்கிழங்கு சேப்பங்கிழங்கு கத்திரிக்காய் முருங்கைக்காய் போன்ற காய்களும் சேர்த்துக் கொள்ளலாம்.வேகவைக்கும் பருப்பு மற்றும் சேர்க்கும் காய்கறிகளின் எண்ணிக்கை வகைகளுக்கு தகுந்தார்போல் காய்கறிகளின் அளவுகளை சேர்த்துக் கொள்ளவும். மொச்சைக் கொட்டையை தனியாக குக்கரில் வேக வைத்து எடுத்து வைத்துக் கொள்ளவும்.

பிறகு துவரம் பருப்பை வேக வைத்து எடுத்து வைத்துக் கொள்ளவும்.பிரஷர் பானில் ஒரு ஸ்பூன் எண்ணெய் சேர்த்து வெண்டைக்காயை முதலில் வதக்கிக் கொள்ளவும்.பிறகு எல்லா காய்கறிகளையும் சேர்த்து லேசாக வதக்கி கொள்ளவும்.

வதக்கிய காய்கறிகளுடன் சாம்பார்தூள் உப்பு கொஞ்சம் மஞ்சள் தூள் சேர்த்துக் கொள்ளவும். நன்கு பிரட்டி விடவும். பிறகு காய் மூழ்கும் அளவிற்கு தண்ணீர் சேர்த்து கொதிக்க விடவும். கொதிக்க ஆரம்பித்தவுடன் ஒரு ஸ்பூன் நல்லெண்ணெய் சேர்த்து கொள்ளவும். பிறகு குக்கரை மூடி வெயிட் சேர்த்து இரண்டு சவுண்ட் விடவும். காய் நன்கு வெந்துவிடும்

இப்போது வேக வைத்த பச்சை மொச்சை அதில் சேர்த்துக் கொள்ளவும். கலந்து விட்டு வேக வைத்த பருப்பை சேர்த்து கொள்ளவும். ஒரு ஐந்து நிமிடம் வரை மூடி வைத்து கொதிக்க விடவும். பிறகு கரைத்த புளித்தண்ணீரை சேர்த்து புளித்தண்ணீரில் பச்சை வாசம் போகும் வரை நன்கு கொதிக்க விடவும்.

கால் கப் தேங்காயை மிக்ஸியில் நைஸாக அரைத்து குழம்பில் சேர்க்கவும். பின்பு ஒரு டேபிள்ஸ்பூன் வரை வெல்லம் சேர்த்துக் கொள்ளலாம். தாளிக்க கூறிய பொருட்களை பெருங்காயத்தூள் சேர்த்து தாளித்து குழம்பில் கொட்டவும். கடைசியாக பொடியாக அரிந்த கொத்தமல்லித்தழை சேர்த்துக் கொள்ளவும்.

சுவையான நாட்டுக் காய்கறி கதம்ப சாம்பார் தயார். பால் பொங்கலுடன் மட்டுமல்லாமல் கேரளா அரிசியுடன் இந்த குழம்பை சேர்த்து சாப்பிட்டால் சுவையாக இருக்கும்.