ஒரு கடாயில் எண்ணெய் விட்டு வரகொத்தமல்லி, வரமிளகாய், வெந்தயம், சீரகம்,கடலைப்பருப்பு எல்லாவற்றையும் மிதமான தீயில் வறுத்து பொடித்து கொள்ளவும்.

மறுபடியும், அதே வாணலியில் சிறிது எண்ணெய் விட்டு, கத்திரிக்காயை நீளவாக்கில் நறுக்கி, அதனை எண்ணெயில் பொரித்து எடுக்கவும்.பின் அதனை கையால் மசித்து கொள்ளவும்.

மறுபடியும் அதே கடாயில், எண்ணெய் விட்டு கடுகு, உளுத்தம்பருப்பு, கடலைப்பருப்பு, கறிவேப்பிலை, பெருங்காயத்தூள் சேர்த்து தாளிக்கவும். பின் வெங்காயம் சேர்த்து வதக்கவும்.

மஞ்சள் தூள் சேர்த்து வதக்கி, பொடியாக நறுக்கிய தக்காளி சேர்த்து வதக்கவும். புளியை கரைத்து கொள்ளவும்.

புளிக்கரைசலை ஊற்றி கொதிக்க விடவும். ஏற்கனவே வறுத்து அரைத்த பவுடர் சேர்த்து கொதிக்க விடவும்.

அதனுடன் 1 டம்ளர் தண்ணீர் விட்டு உப்பு சேர்த்து நன்கு கொதிக்க விடவும். எண்ணெய் பிரியும் வரை கொதிக்க விடவும்.

சிதம்பரம் கத்திரிக்காய் கொத்சு ரெடி.. இதனை இட்லி, தோசை, பொங்கல் இதனுடன் சேர்த்து பரிமாறவும்.