முதலில் தேங்காயை சிறு சிறு துண்டுகளாக்கி அரை டீஸ்பூன் சோம்பு மற்றும் மிளகுடன் வெறும் வாணலியில் சிவக்க வறுத்துக் கொள்ளவும். ஆறிய பிறகு இவற்றை விழுதாக அரைத்துக் கொள்ளவும்.

மூன்று மணி நேரம் ஊற வைத்த கடலைப்பருப்பை நீர் வடித்து இதனுடன் பூண்டு, அரை டீஸ்பூன் சோம்பு, வர மிளகாய், உப்பு சேர்த்து கொரகொரப்பாக அரைத்துக் கொள்ளவும். வாணலியில் எண்ணெய் விட்டு சூடாக்கி கோலி குண்டு அளவு போண்டாக்களாக கடலை மாவு நிறம் மாறாமல் பொரித்து கொள்ளவும். இது ஆறியவுடன் சிறு சிறு துண்டுகளாக பிரித்து வைத்துக் கொள்ளவும்.

ஒரு அடி கனமான பாத்திரத்தை சூடாக்கி எண்ணெய் விட்டு காய்ந்ததும் தாளிக்கக் கொடுத்தவற்றை பொருட்களை போட்டு பொரித்து, கருவேப்பிலை, கீறிய பச்சை மிளகாய், நீளமாக நறுக்கிய வெங்காயத்தை சேர்த்து பொன்னிறமாக வதக்கவும். பிறகு இஞ்சி பூண்டு விழுதை சேர்த்து சிவக்க வதக்கவும். நறுக்கிய தக்காளியை சேர்த்து கரையும் வரை வதக்கவும். இதனுடன் மிளகாய் பொடி, தனியா பொடி, கரம் மசாலா, மற்றும் மஞ்சள் பொடி சேர்த்து 2 கப் நீர் விட்டு கொதிக்க விடவும்.

நீர் கொதிக்க ஆரம்பித்தவுடன் போண்டாக்களை சேர்த்து, அரைத்து வைத்த மசாலா விழுதை போட்டு நன்கு கிளறி, தேவைப்பட்டால் நீர் சேர்த்து தேவையான உப்பு சேர்த்து மூடிய நிலையில் 10 நிமிடம் கொதிக்க விடவும். பிறகு பொடியாக நறுக்கிய கொத்தமல்லியை தூவி சூடாக செட்டிநாடு வடகறி பரிமாறவும்.