முதலில் அரிசி கழுவிய தண்ணீரில் கத்திரிக்காயை நீளவாக்கில் படத்தில் காட்டியுள்ளபடி அரிந்து கொள்ளவும். பூண்டுப்பல் உரித்து வைத்துக் கொள்ளவும் மற்ற தாளிக்கும் தேவையான பொருட்களை எடுத்து வைத்துக் கொள்ளவும். ஒரு வாணலியில் 2 ஸ்பூன் எண்ணெய் ஊற்றி அதில் கடுகு உளுத்தம் பருப்பு கடலைப் பருப்பு வரமிளகாய் கறிவேப்பிலை தாளித்துக் கொள்ளவும். பிறகு பூண்டை போட்டு வதக்கவும். பிறகு கத்திரிக்காயை தண்ணீர் இருத்தி காயில் சேர்த்து வதக்கவும்.

கொஞ்சம் வதங்கிய பின்பு அதில் மிளகாய் தூள் உப்பு மஞ்சள் சேர்த்து பச்சை வாசம் போக வதக்கவும். பிறகு கால் டம்ளர் அளவு தண்ணீர் தெளித்து நன்கு பிரட்டி விட்டு 5 நிமிடம் மூடி வைத்து வேக விடவும். மிதமான தீயில் வேக விடவும்.

சுவையான கத்திரிக்காய் பொரியல் தயார். எப்போதும் கத்திரிக்காய் உடன் பூண்டு சேர்த்து செய்தால் சுவை அதிகமாக இருக்கும். இந்த பொரியல் மோர் குழம்பு சாப்பாட்டுக்கு தொட்டுக் கொள்ள சுவையாக இருக்கும்.