புதினா உருளைக்கிழங்கு பொடிமாஸ்

உருளைக்கிழங்கை தோல் சீவி வேக வைத்து நறுக்கி வைக்கவும். பட்டாணி வேக வைக்கவும். ஒரு பெரிய வெங்காயம் 4 பச்சை மிளகாய் பொடியாக நறுக்கவும் புதினா இலை ஒரு கைப்பிடி,மல்லித்தழை ஒரு கைப்பிடி அலசி வைக்கவும்.

ஒரு வாணலியில் எண்ணெய் விட்டு கடுகு உளுந்து தாளித்து, வெங்காயம் பச்சை மிளகாய் சேர்த்து வதக்கவும்.மல்லித்தழை புதினா தழை சேர்த்து வதக்கவும். வேகவைத்த பட்டாணி,உருளைக்கிழங்கு, மஞ்சள் தூள் சாம்பார் தூள் கரம் மசாலா தூள் உப்பு தூவி நன்கு கலந்து விடவும்.நன்கு சுருள வதக்கி அடுப்பை சிம்மில் வைத்து ஒரு 5 நிமிடம் மூடி வைத்து வதக்கி எடுக்கவும்.

மல்லி புதினா வாசனையுடன் உருளைக்கிழங்கு பச்சை பட்டாணி பொடிமாஸ் தயார். நீங்களும் செய்து பாருங்கள்.