முதலில் கடாயில் நல்லெண்ணெய் ஊற்றி கடுகு, சீரகம், வெந்தயம் தாளிக்கவும்.. கடுகு வெடித்ததும் சுண்டைக்காய் வத்தலையும் சேர்த்து வதக்கவும்..

எல்லாம் வறுபட்டதும் அத்துடன் பொடியாக நறுக்கிய வெங்காயம் சேர்த்து வதக்கவும்... அதனுடன் பூண்டையும் கருவேப்பிலையும் சேர்த்து சிவக்க வதக்கவும்..

அதன் பிறகு தக்காளியையும் சேர்த்து நன்றாக எண்ணெய் பிரியும் வரை நன்றாக வதக்கவும்

எல்லாம் வதங்கியதும் அதனுடன் புளி கரைசலை சேர்த்து நன்றாக கொதிக்க விடவும்... அதனுடன் சிறிது தண்ணீர் சேர்த்து கலந்து கொள்ளவும்... தேவையான அளவு உப்பு சேர்க்கவும்

எல்லாம் சேர்ந்து நன்றாக கொதித்ததும் அதனுடன் சாம்பார் தூள், காஷ்மீரி மிளகாய்த்தூள் சேர்த்து நன்றாக கொதிக்கவிடவும்...

நன்றாக கொதித்து எண்ணைய் பிரிந்து கெட்டியான பதத்திற்கு வந்ததும் அடுப்பை அணைத்து இறக்கி வைக்கவும்...

இப்போது சுவையான வித்தியாசமான வத்த குழம்பு தயார்...