முதலில் பீட்ரூட்டை பொடியாக நறுக்கி மிக்ஸியில் ஒரு கப் தண்ணீர் ஊற்றி நன்றாக அரைத்து ஒரு கப் அளவு சாறு பிழிந்து கொள்ளவும்

ஒரு கடாயில் பீட்ரூட் சாறை ஊற்றி லேசாக சூடு செய்யவும்... அதைக் கிண்ணத்தில் மாற்றி அதில் ஈஸ்ட், சர்க்கரை சேர்த்து கலந்து 10 நிமிடங்கள் அப்படியே மூடி வைக்கவும்..

பத்து நிமிடத்தில் பீட்ரூட் சாறு பொங்கி இருக்கும்... அதை மாவுடன் சேர்த்து கலந்து கொள்ளவும் அத்துடன் சிறிது உப்பையும் சேர்த்து கலந்து விடவும்... கையில் ஒட்டுவது போல தான் இருக்கும் அதனுடன் ஒரு ஸ்பூன் வெண்ணை சேர்த்து கலந்து நன்றாக பிசைந்து விடவும்

மாவு நன்றாக பிசைந்து முடித்ததும் சிறிது வெண்ணெய் மேலே தடவி மூடி வைக்கவும்... மாவு இரண்டு மடங்காக பொங்கி வரும் வரை மூடி வைக்கவும்...
பொங்கி வந்ததும் மீண்டும் அதை நன்றாக பிசைந்து கொள்ளவும்

ஒரு ட்ரேயில் வெண்ணெய் தடவி அதில் மாவை சிறு சிறு உருண்டைகளாக உருட்டி மூடி 30 நிமிடங்கள் வைக்கவும்.. உருண்டை இரண்டு மடங்காக இருக்கும்...

உருண்டையின் மீது லேசாக பால் தடவவும்... விருப்பப்பட்டால் அதன்மீது வெள்ளை எள்ளை தூவவும்.. பிரிஹீட் செய்த ஓவனில் 170° செல்சியஸில் 30 நிமிடங்கள் பேக் பண்ணவும்..

30 நிமிடங்கள் கழித்து வெளியே எடுத்து சூட்டோடு அதன் மேல் சிறிது வெண்ணெய் தடவவும்... ஆறும்வரை ஈரத்துணியால் மூடி வைக்கவும்... இரண்டு பன்னை மட்டும் நான் பெரிதாக பர்கர் பன் போல் செய்துள்ளேன்...

பன்னை இரண்டாக கட் பண்ணி வெங்காயம் தக்காளி நம் விருப்பப்படி எது வேண்டுமானாலும் வைத்து பர்கர் போல் பரிமாறலாம்... குழந்தைகளுக்கும் தைரியமாக கொடுக்கலாம் இது கோதுமை மாவுடன் பீட்ரூட் கலந்து செய்ததால் சத்தானதாகவும் இருக்கும்... இப்போது சுவையான சத்தான பீட்ரூட் கோதுமை பர்கர் பன் தயார்...