முதலில் ரவையை 1 கப் தண்ணீர் ஊற்றி 15 நிமிடம் ஊற வைக்கவும்

ஊறிய ரவையுடன் தேங்காய் துருவல் வெல்லம் 1 கப் தண்ணீர் சேர்த்து நன்றாக மையாக அரைத்துக் கொள்ளவும்

இத்துடன் சிறிது ஏலக்காய்த்தூள் 1/4 கப் தண்ணீர் சேர்த்து நன்றாக கலந்து கொள்ளவும் இது பார்ப்பதற்கு நீர் போல் இருக்க வேண்டும்

முதலில் கடாயில் ஒரு டேபிள் ஸ்பூன் அளவுக்கு நெய் விட்டு முந்திரி திராட்சையை வறுத்து தனியாக வைக்கவும் பிறகு அரைத்து வைத்துள்ள கலவையை குறைந்த தீயில் சேர்த்து மிதமான தீயில் கைவிடாமல் கிளறவும்

கெட்டியாகி வரும் பொழுது ஒவ்வொரு இரண்டு நிமிடத்திற்கு ஒருமுறை நெய் விட்டு கை விடாமல் கிளறிக் கொண்டே இருக்கவும்

15 நிமிடம் கழித்து தொட்டுப் பார்க்கவும் கையில் ஒட்டாத பதத்தில் இருக்க வேண்டும் இப்போது சிறு பகுதி எடுத்து உருண்டையாக உருட்டவும் இப்போது கையில் ஒட்டாமல் உருண்டு வந்தால் அல்வா தயார்

சுவையான ரவை தேங்காய் அல்வா தயார்