வேர்க்கடலை மக்ரோன்ஸ் (peanut Macaroons recipe in tamil)

முதலில் ஒரு கடாயில் வேர்க்கடலையை போட்டு நன்றாக வறுத்துக் கொள்ளவும்... நிறம் மாறக் கூடாது... ஆறியதும் தோல் நீக்கி மிக்ஸியில் கரகரப்பாக பொடித்துக் கொள்ளவும்..

ஒரு பாத்திரத்தில் முட்டையின் வெள்ளைக்கருவை நன்றாக பீட் செய்து கொள்ளவும்... அரை கப் சர்க்கரையை நன்றாக பொடி செய்து கொள்ளவும்.. முட்டையைப் பீட் செய்யும்போது அவ்வப்போது சர்க்கரையை ஒவ்வொரு ஸ்பூன் சேர்த்து நன்றாக பீட் செய்து கொள்ளவும்.

இறுதியாக ஸ்டிப் பீக் வந்ததும் பீட் செய்வதை நிறுத்தி விடவும்.. அத்துடன் பொடி செய்து வைத்துள்ள வேர்க்கடலையை சேர்த்து மெதுவாக கிளறவும்..

ஓவனை 100°சி 10 நிமிடங்கள் பிரிஹீட் பண்ணவும்.. கலந்து வைத்துள்ள கலவையை ஒரு கவரில் போட்டு டிரேயில் வட்டமாக பிழிந்து விடவும்... ஓவனில் வைத்து 100°சி 1மணி நேரம் 30 நிமிடங்கள் பேக் செய்யவும்...

நான் சிறியதாக பிழிந்துள்ளேன் நீங்க விருப்பப்பட்டால் தூத்துக்குடி மக்ரூன் போல் பெரியதாகவும் பிழிந்து கொள்ளலாம்.. ஒன்றரை மணி நேரம் கழித்து ஓவனை அணைத்த உடன் உடனே வெளியே எடுக்க கூடாது... ஆறும் வரை உள்ளே இருக்க வேண்டும்... நன்றாக ஆறியவுடன் எடுத்தால் அருமையான வேர்கடலை மக்ரோன்ஸ் தயார்...

இப்போது சுவையான சத்தான வேர்க்கடலை மக்ரோன்ஸ் தயார்..