ராகி ரொட்டி.(ragi roti recipe in tamil)

ஒரு பாத்திரத்தில் ராகி மாவை சேர்த்துக் கொள்ளவும். பெரிய வெங்காயத்தை பொடியாக நறுக்கிக் கொள்ளவும். கேரட்டை துருவி வைத்துக் கொள்ளவும். பச்சை மிளகாயை பொடியாக நறுக்கவும். கறிவேப்பிலை மல்லித் தழையையும் பொடியாக நறுக்கிக் கொள்ளவும்.

ராகி மாவுடன் அனைத்தையும் ஒன்றாக சேர்த்து உப்பு பொட்டுக்கடலை சீரகம் போட்டு நன்றாக கலக்கவும்.

அந்தக் கலவையில் தேவையான அளவு நீர் விட்டு சப்பாத்தி மாவு பதத்திற்கு பிசைந்து கொள்ளவும்.

அடுப்பில் தோசைக்கல்லை வைத்து அதில் எண்ணெய் கொஞ்சமாக தடவி நாம் பிசைந்த மாவில் கொஞ்சம் எடுத்து சப்பாத்தி போல் தட்டி கொள்ளவும்.

அதற்கு மேல் புறமாகவும் எண்ணை விட்டு அடுப்பை நிதானமாக வைத்து இரண்டு பக்கமும் திருப்பி போட்டு வேக விடவும்.

இப்பொழுது ராகி ரொட்டி ரெடி. இதை அப்படியே கூட சாப்பிடலாம் சட்னி இருந்தாலும் சுவையாக இருக்கும் நன்றி..