வண்டி கடை சுண்டல்(sundal recipe in tamil)

பச்சைப்பட்டாணி அல்லது வெள்ளை பட்டாணி ஏதாவது ஒன்றில் கால்கிலோ பட்டாணி கழுவி குறைந்தது பத்து மணி நேரம் ஊற வைக்கவும். மேற்கூறிய தேவையான பொருட்கள் அனைத்தையும் தயாராக எடுத்து வைத்துக் கொள்ளவும்.இரண்டாவது படத்தில் காட்டியுள்ளபடி வெங்காயம் தக்காளி பூண்டு இஞ்சி அனைத்தையும் நறுக்கிக் கொள்ளவும்.கொத்தமல்லி தழை தவிர்த்து தட்டில் உள்ள எல்லாப் பொருட்களையும் மிக்ஸியில் சேர்த்து தண்ணீர் சேர்க்காமல் விழுதாக அரைத்துக் கொள்ளவும்.

பச்சைப் பட்டாணியை அரை லிட்டர் அளவு தண்ணீர் சேர்த்து கொஞ்சம் சுண்டலுக்கு தேவையான அளவு உப்பு சேர்த்து கால் ஸ்பூன் மஞ்சள் தூள் சேர்த்து நான்கு அல்லது ஐந்து சவுண்டு விட்டு வேக வைத்துக் கொள்ளவும். சுண்டலை வடித்து தண்ணீர் தனியாக எடுத்து வைத்துக் கொள்ளவும். இதை பயன்படுத்திக் கொள்ள வேண்டும்.இப்போது அரைத்த விழுதை குக்கரில் எண்ணெய் சேர்த்து நன்கு எண்ணெய் பிரிய வதக்கி கொள்ளவும். பிறகு அனைத்து தூள்களையும் சேர்த்து டெளுகு கொஞ்சமாக சேர்த்து பச்சை வாசம் போக சுருள வதக்கி கொள்ளவும்.

வடித்து வைத்த தண்ணீர் முழுவதையும் இந்த வதக்கிய விழுதில் சேர்த்து 10 நிமிடம் அதிக பிளேமில் நன்கு கொதிக்க விடவும். மிக்ஸி கழுவிய தண்ணீரையும் சேர்த்துக் கொள்ளலாம்.பிறகு வேகவைத்த பட்டாணியை சேர்த்து மூன்று அல்லது நான்கு நிமிடம் வரை நன்கு கொதிக்க விடவும். மூடி வைத்து செய்ய வேண்டாம் திறந்து வைத்து கொதிக்க விடவும்.

கடைசியாக கொஞ்சம் பொடியாக அரிந்த கருவேப்பிலை கொத்தமல்லி சேர்த்துக் கொள்ளவும்.தட்டில் கிரேவி மற்றும் பட்டாணி ஆக எடுத்து ஊற்றி மேலே வெங்காயம் கொத்தமல்லித் தழை தூவி பரிமாறவும்.கேரட் இருந்தால் துருவி தூவிக் கொள்ளலாம் பொடியாக நறுக்கிய தக்காளி கூட சேர்த்துக் கொள்ளலாம். மாலை நேரத்திற்கு அனைத்து வயதினருக்கும் ஏற்ற சாட் ஐட்டம் தயார்.இதில் எப்பொழுதும் போல் இஞ்சி பூண்டு தக்காளி வெங்காயம் பட்டாணி சேர்ப்பதால் உடல் நலத்திற்கு மிகவும் நல்லது. இந்த குளிர்காலத்திற்கு சூடாக சாப்பிடுவது மிகவும் நல்லது.