முதலில் வெறும் வாணலில் பயிறுகள சூடேறும் வரை வருத்து, இரண்டு முறை கழுவி விட்டு தண்ணீரில் ஒரு மணி நேரம் வரை ஊற விடவும். ஊற விட்டு வேக வைத்தால் எந்த சுண்டலும் மலர்ந்து வேகும்.சுவை அதிகமாக இருக்கும்.ஒரு மணி நேரம் கழித்து ஒரு பாத்திரத்தில் தேவையான அளவு தண்ணீர் சேர்த்து கொதித்த உடன் பயிறு வகைகளை தண்ணீர் வடித்து கொதித்த நீரில் சேர்க்கவும். மிதமான தீயில் 15 லிருந்து 20 நிமிடம் வரை வேக விடவும்.குக்கரில் வேக வைக்கலாம் எத்தனை சவுண்டில் வேகம் என்று சரியாகத் தெரியாததால் பாத்திரத்தில் போட்டு வேக வைத்து தேன்.

இப்போது துருவிய தேங்காய் பெருங்காயத் தூள் வரமிளகாய் பச்சை மிளகாய் சீரகம் இவை அனைத்தையும் மிக்ஸியில் கரகரப்பாக அரைத்துக் கொள்ளவும். கறிவேப்பிலை கொத்தமல்லியை மட்டும் கடைசியாக மிக்ஸியில் ஒரு சுற்று சுற்றிக் கொள்ளவும். கொஞ்சம் கூட தண்ணீர் சேர்க்காமல் அரைக்க வேண்டும்.

அடி கனமான வாணலியில் ஒரு டேபிள்ஸ்பூன் எண்ணெய் சேர்த்து அதில் கடுகு உளுத்தம்பருப்பு சேர்த்து பொரியவிடவும் பிறகு வேக வைத்த பயறை சேர்க்கவும் அதன் மேல் அரைத்த தேங்காய் விழுதை சேர்க்கவும்.இவை அனைத்தையும் மிதமான தீயில் நன்கு சூடு ஏற பச்சைமிளகாய் வரமிளகாய் பச்சை வாசம் போகும் வரை பிரட்டி விடவும்.

சுவையான ஆரோக்கியமான புரதச் சத்து நிறைந்த பயறு வகைகள் சுண்டல் தயார். மாலை எங்கள் வீட்டில் கிருஷ்ணருக்கு சர்க்கரை பொங்கல் மற்றும் இந்த சுண்டல் நைவேத்தியமாக படைக்கப்பட்டது. விஷ்ணு சகஸ்ரநாமம் நித்யா ஸ்லோகம் மற்றும் அனுமன் சாலிசா பாராயணம் செய்யப்பட்டது. ஹரே கிருஷ்ணா.

Tips.. எந்த பயறு வகைகளையும் லேசாக வாணலியில் வறுத்தால் வாய்வுக்கோளாறு பிடிக்காது.