வண்டி கடை சுண்டல் மசாலா (Sundal masala recipe in tamil)

காய்ந்த பச்சை பட்டாணியை எட்டு மணி நேரம் ஊறவைத்து பின் தேவையான அளவு உப்பு சேர்த்து மஞ்சள் தூள் அரைடீஸ்பூன் சேர்த்து குக்கரில் 4 விசில் வரும் வரை வேக வைக்கவும்.

நறுக்கி வைத்துள்ள வெங்காயம், தக்காளி, பூண்டு, இஞ்சி இவற்றுடன் பச்சை மிளகாய் சேர்த்து மிக்ஸியில் நன்றாக விழுது போல் அரைத்துக் கொள்ளவும்.

அடுப்பில் கடாயை வைத்து 4 ஸ்பூன் எண்ணெய் விட்டு அரைத்து வைத்துள்ள விழுதை அதில் சேர்த்து வதக்கவும்.

கருவேப்பிலையும் சேர்த்து சிறிது வதக்கவும்.

மஞ்சள் தூள், மிளகாய் தூள், கரம் மசாலா, தேவையான அளவு உப்பு, பெருங்காயம் சேர்த்து 5 நிமிடங்கள் நன்றாக வதக்கவும்.

இந்நிலையில் வேகவைத்த பட்டாணியின் வடித்த நீரை சேர்க்கவும்.

நன்றாக கொதி நிலை அடைந்தவுடன் வேகவைத்த பட்டாணியையும் அதில் சேர்த்துக் கொள்ளவும்.

இரண்டு நிமிடம் நன்றாக கொதிக்க வேண்டும்.

அடுப்பை அணைத்து பின் சுண்டல் கிரேவி வேறு பாத்திரத்திற்கு மாற்றி கொள்ளவும்.

இப்போது சுவையான வண்டி கடை சுண்டல் மசாலா தயார்.