மட்டனை கழுவி சுத்தம் செய்து எடுத்து மஞ்சள் தூள் சேர்த்து கழுவி வைத்து கொள்ளவும்.குக்கரில் எண்ணெய் ஊற்றி பிரியாணி இலை, கிராம்பு, பட்டை, ஏலக்காய், கல்பாசி சேர்த்து வதக்கவும்.

பிறகு வெங்காயம்,சின்ன வெங்காயம் சேர்த்து வதக்கி பச்சை மிளகாய், கறிவேப்பிலை சேர்த்து வதக்கவும்.

இஞ்சி பூண்டு விழுது சேர்த்து பச்சை வாசனை போக வதக்கி தக்காளி சேர்த்து கொத்தமல்லி இலை, புதினா சேர்த்து வதக்கவும்.

பிறகு இதில் மிளகாய் தூள், மல்லி தூள், கர மசாலா, சீரகத்தூள், உப்பு சேர்த்து நன்கு எண்ணெய் விட்டு வரும் வரை வதக்கவும்.

இதில் மட்டன் சேர்த்து தேவையான அளவு தண்ணீர் ஊற்றி கலந்து விடவும்.பிறகு குக்கரை மூடி வைத்து 6 விசில் விட்டு இறக்கவும்.

மிக்ஸியில் தேங்காய் துருவல், முந்திரி பருப்பு சேர்த்து தேவையான அளவு தண்ணீர் ஊற்றி பேஸ்ட் போல் அரைத்து எடுத்து கொள்ளவும்.

விசில் போனதும் தேங்காய் பேஸ்ட் சேர்த்து கலந்து விட்டு உப்பு, காரம் சரிபார்த்து 10 நிமிடங்கள் கொதிக்க வைக்கவும்.

பிறகு கடைசியாக கொத்தமல்லி, கறிவேப்பிலை தூவி இறக்கவும். சுவையான மட்டன் சாய்னா தயார்.

நானும் அவளுமான என் தோழி ரேணுகா அவர்கள் சேர்ந்து பரோட்டா மற்றும் மட்டன் சால்னா செய்து உள்ளோம். நன்றி