સૌપ્રથમ વટાણા બાફી લો. ગ્રેવી માટે 1 ચમચી તેલ મૂકી તેમાં ડુંગળી અને ટામેટાને સાંતળો. 5 મિનિટ બાદ આદુ, લસણ, કાજુ ટુકડા, મગજતરી અને ખસખસ ઉમેરી બરાબર મિક્સ કરી 5 થી 7 મિનિટ સુધી થવા દો ‌. ઠંડુ થાય એટલે પેસ્ટ બનાવી લો.

હવે એક કડાઈમાં તેલ, અને બટર ઉમેરીને તૈયાર ગ્રેવી ઉમેરો.બધા સૂકા મસાલા ઉમેરી બરાબર મિક્સ કરી દો. હવે પંજાબી ગ્રેવી મસાલો 2 ચમચી પાણીમાં મેળવી ઉમેરો.5 થી 7 મિનિટ સુધી થવા દો.

હવે વટાણા અને પનીરના ટુકડા ઉમેરીને બરાબર મિક્સ કરી લો.5 થી 7 મિનિટ સુધી થવા દો. કસૂરી મેથી ઉમેરો. તેલ છુટું પડે ત્યાં સુધી થવા દો.

સર્વીંગ બાઉલમાં કાઢી ઉપર કોથમીર ઉમેરો.