एका पॅन मध्ये 2 चमचे तेल घालून ते गरम झाल्यावर त्यात 2 चमचे लसूण बारीक चिरून, 1इंच आले बारीक चिरून 1 हिरवी मिरची बारीक चिरून घातली व मोठ्या गॅसवर चांगले परतून घेतले.

मग त्यात 2 चमचे पातीचा कांदा बारीक चिरून, तो मोठ्या गॅसवर चांगला मऊ होईपर्यत परतून घेतला. नंतर त्यात 1 बारीक चिरलेले गाजर, 3 चमचे बारीक चिरलेला कोबी, 1/2 सिमला मिरची बारीक चिरून, 5 फरसबी बारीक चिरून चांगले 2ते 3 मिनिटे परतून घेतले. आणि त्यात 4 कप पाणी घालून 3 मिनिटे उकळून घेतले.

नंतर त्यात 2 चमचे डार्क सोया सॉस, 2 चमचे व्हिनेगर, 1चमचा रेड चिली सॉस, 1/2 चमचा काळे मिरी पावडर, 1/2 चमचा साखर आणि 1/2 चमचा मीठ घालून ते चांगले 3 मिनिटे उकळून घेतले.

मग त्यात 2 चमचे कॉर्नफ्लोअर 1/4 कप पाणी घालून ते चांगले मिक्स करून घेतले. त्यात अजिबात गुठळी राहता कामा नये. नंतर ते मिश्रण वरील सुपमध्ये घालून ते चांगले परतून घेतले आणि 3 मिनिटे उकळून घेतले.

नंतर त्यात 2 चमचे बारीक चिरलेली कांद्याची पात घालून, सूप चांगले 2 मिनिटे चांगले उकळून घेतले. आणि गॅस बंद करून

आता आपले हॉट अँड सोर सूप सर्व्ह करताना त्यात थोडी कांद्याची पात घालून सर्व्ह करावे. हे सूप चवीला खूप सुंदर लागते.