સૌપ્રથમ ઉકાળતા પાણીમાં એક ટીસ્પૂન મીઠું અને એક ટીસ્પૂન ખાંડ ઉમેરીને વટાણાને પાંચથી સાત મિનિટ માટે બાફી લેવા. હવે વટાણાને એક ચારણીમાં કાઢીને ઠંડા પાણીમાં બોળી દેવા જેથી કરીને એનો રંગ લીલો રહે.

એક પોટમાં ઓલિવ ઓઇલ અને બટર ગરમ થાય એટલે તેમાં બારીક સમારેલા કાંદા અને લસણ ઉમેરવું. હલકુ ગુલાબી થાય એટલે તેમાં સમારેલા બટાકા ઉમેરીને બરાબર હલાવી લેવું. પાંચ મિનિટ માટે મીડીયમ તાપ પર બધું સાંતળી લેવું. હવે તેમાં પાણી અને એક સ્ટોક ક્યુબ ઉમેરીને બટાકા લગભગ ચઢી જાય ત્યાં સુધી પકાવવું. પાણી અને સ્ટોક ક્યુબ ની જગ્યાએ વેજીટેબલ સ્ટોક પણ ઉમેરી શકાય.

હવે તેમાં વટાણા ઉમેરીને મીડીયમ તાપ પર પાંચ થી સાત મિનિટ માટે પકાવવું. ત્યારબાદ એકદમ ઠંડુ થાય એટલે મિશ્રણને મિક્સર જારમાં ઉમેરીને પેસ્ટ બનાવી લેવી.

હવે સૂપને પાછું પોટમાં ઉમેરીને એમાં પાણી અને દૂધ ઉમેરવું. તેમજ મીઠું, મરી, લીંબુનો રસ ઉમેરી હલાવી લેવું.પાંચ થી સાત મિનિટ માટે મીડીયમ તાપ પર પકાવવું. હવે તેમાં બટર અને ફ્રેશ ક્રીમ ઉમેરીને ગેસ બંધ કરી દેવો.

સૂપ ને ફ્રેશ ક્રીમ, ઓલિવ ઓઇલ અને ચીલી ફ્લેક્સ થી ગાર્નીશ કરી શકાય. ગરમા ગરમ સૂપ ને બ્રેડ કે સેન્ડવીચ સાથે સ્ટાર્ટર તરીકે પીરસી શકાય.