સૌપ્રથમ એક વાસણમાં તેલ ગરમ કરી એમાં આદુ, લસણ, લીલા મરચા, કાંદા અને લીલી ડુંગળી ઉમેરીને એક મિનિટ માટે હાઈ હિટ પર સાંતળવું. હવે તેમાં બાકીના શાકભાજી ઉમેરીને પાછું એક મિનિટ માટે સાંતળવું. ત્યારબાદ તેમાં મરી, સોયા સોસ, ચીલી સોસ, મીઠું અને સ્ટોક ક્યુબ ઉમેરીને બરાબર હલાવી લેવું.

હવે તેમાં પાણી ઉમેરીને પાણી ઉકળવા માંડે ત્યાં સુધી પકાવવું. (સ્ટોક ક્યુબ ના વાપરવો હોય તો વેજીટેબલ સ્ટોક અથવા તો સાદુ પાણી પણ વાપરી શકાય). એક વાસણમાં કોર્નફ્લોર અને પાણી ભેગું કરીને સ્લરી બનાવી લેવી. હવે ઉકળતા સૂપ માં આ સ્લરી ઉમેરીને બરાબર હલાવી લેવું. પાંચ થી સાત મિનિટ માટે મીડીયમ તાપ પર સૂપ ને ગરમ થવા દેવું. સૂપ થોડું જાડું થઈ જાય ત્યારે ગેસ બંધ કરી દેવો. સૂપ ઘાટું કે પાતળું રાખવું હોય એ પ્રમાણે કોર્નફ્લોર નું પ્રમાણ વધારે કે ઓછું કરી શકાય.