મિડિયમ સાઈઝના એકદમ કુમળા ભીંડા પસંદ કરવા જેથી કરીને એમાં ઘણા બધા બીજ ના હોય. ભીંડા ને ધોઈ એકદમ કોરા કરી લેવા એના પર બિલકુલ પાણી રહેવું ના જોઈએ. હવે ભીંડાને લંબાઇમાં ચાર ટુકડા માં કાપી લેવા. વધારે બીજ હોય તો કાઢી શકાય મેં અહીંયા બીજ કાઢ્યા નથી. હવે તેમાં હળદર, લાલ મરચું, ધાણાજીરું, ચાટ મસાલો, ગરમ મસાલો અને મીઠું ઉમેરી બધું બરાબર મિક્સ કરી લેવું. ઢાંકીને 10 મિનીટ માટે રહેવા દેવું.

હવે એમાં ચણાનો લોટ અને ચોખાનો લોટ ઉમેરીને બરાબર હલાવી લેવું જેથી કરીને ભીંડા ના બધા જ ટુકડા પર લોટ બરાબર ચોટી જાય.

એક કડાઈમાં ફુલ તાપ પર તેલ ગરમ કરી થોડા ભીંડા ઉમેરી તેને ગોલ્ડન બ્રાઉન અને ક્રિસ્પ થાય ત્યાં સુધી તળવા. આ રીતે થોડા થોડા કરીને બધા ભીંડા તળી લેવા.

કુરકુરી ભીંડી ઉપર લીંબુનો રસ અને લીલા ધાણા છાંટવા. કુરકુરી ભીંડી નાસ્તા, સ્ટાર્ટર અથવા તો મુખ્ય ભોજન સાથે સાઈડ ડિશ તરીકે પીરસવી.