સૌ પ્રથમ એક બાઉલ માં ચણા નો લોટ ને ઘઉં નો લોટ લઈ તેમાં અજમો,તલ અને તેલ અને મીઠું નાખી સરખું હલાવી લેવું. પછી તેમાં જરૂર મુજબ પાણી નાખી ને ઢોકળી નો લોટ મીડીયમ બાંધીસુ ના વધારે કડક ના એકદમ ઢીલો એવો મીડીયમ લોટ બંધીસુ.

બાંધેલા લોટ ને 1 મિનિટ માટે સરખો કુનવી લેવો પછી તેને સરખો રોલ કરી ને એક સરખા બધા ભાગ કરી લેવા.પછી હાથ થી સરખો ગોળ શેપ આપવો બધી સાઈડ થી ઢોકળી સરખી રાખવી

ગુવાર ને ધોઈ ને લૂછી લેવો અને તેને મોટો સમારી લેવો. એક નાના કુકર મા તેલ મૂકી તેમાં જીરું નાખવું જીરું થાઈ એટલે તેમાં અજમો નાખી દેવો પછી તેમાં સૂકું લાલ મરચું નાખવું.

પછી તેમાં ટામેટું નાખી સરખું હલાવું અને ટામેટા ને ચડવા દેવા.ટામેટા ચડી જાય એટલે તેમાં ગુવાર નાખી ને સરખું હલાવું.પછી તેમાં લાલ મરચું,હળદર,ધાણાજીરું અને મીઠું નાખી સરખું હલાવી લેવું.

પછી તેમાં 1 થી 1 1/2 કપ પાણી નાખવું. પાણી થોડું ઉકળે એટલે તેમાં એક એક કરી ને બધી ઢોકળી નાખી દેવી અને જરાક હલાવી કુકર નું ઢાંકણું બંધ કરી 4 થી 5 સિટી વગાળવી.

પછી કુકર થોડું ઠંડુ થાઈ એટલે ઢાંકણું ખોલી રસો વધારે હોય તો થોડો ગેસ ચાલુ કરી બાળી દેવો પછી તેમાં કસૂરી મેથી અને ગોળ અને ગરમ મસાલો નાખી સરખું હલાવી લેવું.

એક સરવિંગ પ્લેટ માં તેને કાઢી તેને ગરમ ગરમ રોટલી અથવા તો રોટલા યા ભાખરી સાથે સર્વ કરો.