मी इथे अर्धा किलो मटार शेंगा घेत्या होत्या सोलून त्याचे 185 ग्रॅम च्या जवळपास दाणे निघाले. ते मी किंचीत तेलात परतून घेतले व मिक्सर मधून दरदरीत करुन घेतलेय.

आत्ता एका कढईत एक छोटा चमचा तेल घ्या त्या मधे आधी हिरव्या मिरच्या बारिक बारिक चिरून घाला व बारिक चिरलेला कन्दा घालुन परता. कांदा नरम झल्यावर त्यात तिखट हळद मीठ जीरे पुड धणे पूड व बडीशोप पावडर घाला छान मिक्स करा, व दरदरीत केलेले मटार घाला मग त्यात मीठ पिठी साखर चाट मसाला घालुन छान मिक्स करुन एक वाफ आणुन घ्या.

कणिक आणी बेसन एकत्र करुन त्यात एक छोटा चमचा तेल व एक चीमुट मीठ घालुन घट्ट मळुन गोळा करून घ्यावे. त्या चे छोटे छोटे गोळे करुन घ्या व छोटी पोळी पण किंचीत जाड अशी लाटून घ्या. फोटो मधे दाखविल्या प्रमाणे एका भागात लम्बोळ्कया आकारात सारण ठेवा व कडान्ना पाणी लावुन घ्या व दुसरी बाजू त्या सारणा वर कवर करुन हलक्या हातानी दाबुन चिक्टावुन घ्या व फिर्किनी करंजी चा आकार देत जास्तीच्या कडा काढुन घ्या(हे तुम्ही करंजी च्या साच्यात पण करु शकता) असे सगळे करुन घ्या व एक एक करुन तळून काढावेत