સૌ પ્રથમ બટાકા બાફી લેવા અને ઠંડા પડ્યા બાદ સમારી લેવા.

સરગવાની સિંગને સારી રીતે ધોઈ, છોલી લેવી. એકસરખા ટુકડા કટ કરવા. ઉછળતા પાણીમાં બાફી લેવી. વધારે ન બફાઈ જાય એ ધ્યાન રાખવું. 15-17 મિનિટમાં કૂક થઈ જાય છે. તેથી 10-12 મિનિટ પછી ચપ્પુ વડે ચેક કરી લેવી. થઈ જાય એટલે વધારાનું પાણી કાઢી ને નીતારી લેવી.

શીંગ બફાઈ જાય એ દરમિયાન લસણ પીસી લેવું. તથા ટમેટું સમારી લેવું.

વઘાર કરવા માટે એક કડાઈમાં તેલ મુકવું. તેલ ગરમ થાય એટલે રાઈ, જીરું, હીંગ, લીમડાના પાન, સૂકા લાલ મરચાંનો વઘાર કરવું. ઝીણા સમારેલા ટામેટાં એડ કરવા. ટામેટાં સંતળાઇ જાય એટલે પીસેલું લસણ એડ કરવું.

2 મિનિટ સાંતળી ને મીઠું, મરચું, હળદર, ધાણાજીરું એડ કરવું. મિક્સ કરવું. હવે સમારેલા બાફેલા બટાકા એડ કરી હલાવવું.

ત્યારબાદ બાફેલી શીંગ એડ કરી હળવા હાથે હલાવવું. મિક્સ થઈ જાય એટલે 1-2 મિનિટ સ્લૉ ફલૅમ પર ઢાંકી ને કૂક કરવું.(આ શાક કોરું બનશે. જો ઘટ્ટ શાક જોઈએ તો મસાલા એડ કર્યા પછી થોડું પાણી એડ કરવું)

સરગવાની શીંગ અને બટાકા નું શાક તૈયાર છે. કોથમીર થી ગાનિઁશ કરી રોટલી સાથે સર્વ કરવું.