સૌપ્રથમ ચોખાને ધોઈને પલાળી રાખવા. બાસમતી ચોખા વાપરવાની જરૂર નથી. સોના મસુરી, લચકારી કોલમ વગેરે કોઈ પણ પ્રકારના નાના દાણાવાળા ચોખા વાપરવા. ડ્રાયફ્રુટ કાપી ને તૈયાર કરવા.

એક પોટના તળિયે ઘી લગાવી લેવું. હવે તેમાં દૂધ ઉમેરીને તેમાં તમાલપત્ર, તજ અને ઈલાયચી ઉમેરવા. દૂધમાં એક ઊભરો આવી જાય એટલે ગેસ નો તાપ ધીમો કરી ને દૂધ ને ૨૫ ટકા જેટલું બળી જાય ત્યાં સુધી ઉકાળવું. હવે તેમાં પલાળેલા ચોખા ઉમેરીને ચોખા લગભગ ચડી જાય ત્યાં સુધી ઉકાળવું.

હવે તેમાં ખાંડ ઉમેરી બરાબર હલાવી લઈને ધીમા તાપે જ્યાં સુધી ચોખા એકદમ બરાબર ચડી જાય ત્યાં સુધી પકાવવું. હવે તેમાં કાપેલા બદામ, કાજુ અને દ્રાક્ષ ઉમેરી હલાવી લેવું. ખીર ને રૂમ ટેમ્પરેચર પર ઠંડી કરી ને ફ્રિજમાં ઠંડી કરવા મુકવી.

ખીર ને ઠંડી કરીને પીરસવી. આ ખીર હૂંફાળી પણ પીરસી શકાય.