પનીર બટર પરાઠા (Paneer Butter Paratha Recipe In Gujarati)

સૌ પ્રથમ ઘઉં ના લોટ મા ૧ચમચી તેલ અને મીઠું નાખી જોઇતા પૂરતું પાણી એડ કરી સરસ પરાઠા નો લોટ બાંધી લો.ત્યારબાદ ઉપર એક ચમચી તેલ નાખી સરસ કુણવી લો અને ૧૫-૨૦ મિનિટ રેસ્ટ આપી દો.

ત્યારબાદ પરાઠા ના સ્ટફિંગ માટે ચીઝ અને પનીર ને ખમણી લો.અને ડુંગળી ને ચોપ કરી લો અથવા જીની સુધારી લો. આદું મરચા ની પેસ્ટ બનાવી લો.

ત્યારબાદ એક કડાઈ મા 1/2 ચમચી તેલ ગરમ કરી ડુંગળી ને એક મિનિટ માટે સાંતળો.કાચી પાકી જ રાખવાની છે.આનાથી પરાઠા માં ટેસ્ટ સરસ આવે છે.

ત્યારબાદ એક ડિશ માં બધું ત્યાર કરી લો.બધા મસાલા, પનીર, ચીઝ, ડુંગળી, આદુ મરચા ની પેસ્ટ અને કોથમીર.પછી તેને સરસ મિક્સ કરી લો.આ પરાઠા નું મસ્ત સ્ટફિંગ ત્યાર છે.

ત્યારબાદ બાંધેલા લોટ નો ગોળો લો અને તેને હાથ થી ગોળ કટોરી જેવો શેઇપ આપી તેમાં સ્ટફિંગ ભરી હાથ વડે ગોળ પોટલી બનાવો અને ઉપર થી થોડો ભાગ કાઢી ગોળ ગોળો ત્યાર કરી પાટલા વેલણ થી ગોળ વણી લો.

ત્યારબાદ નોનસ્ટિક તવી ગરમ મૂકી તેમાં આ વણેલા પરાઠા બટ ર લગાવી બંને સાઈડ ગુલાબી શેકી લો.આ પરાઠા ફૂલી ને સરસ દડા જેવા થશે.

તૈયાર છે પનીર બટર પરાઠા.