સૈા પ્રથમ એક બાઉલ માં કોર્ન ફ્લોર લો અને તેમાં પાણી નાખો.હવે હલાવી ને એક બેટર તૈયાર કરી લો.તેને થોડીવાર એક બાજુ મૂકી દો.

હવે એક કડાઈમાં ખાંડ લો તેમાં પાણી નાખો અને ધીમા તાપે ગરમ કરો.હવે તેને બધી ખાંડ ઓગળી જાય અને થોડી ચીકાશ વાળી ચાસણી જેવું થાય એટલે તેમાં કોર્ન ફ્લોર વાળું મિશ્રણ ઉમેરી દો.

હવે તેને ધીમા તાપે સતત હલાવતા રહો જેથી ગઠ્ઠા ન પડે.થોડી જ વાર મા મિશ્રણ ટ્રાન્સપરન્ટ થવા લાગશે.હવે તેમાં એક એક ચમચી ઘી ઉમેરતા જાવ આવી રીતે બધું જ ઘી ઉમેરતા જવું અને હલાવતા જવું..હવે તેમાં ફૂડ કલર અને એસેન્સ ઉમેરી દો.ત્યાર બાદ તેમાં મગજતરી ના બી અને બદામ પિસ્તા ની કતરણ પણ ઉમેરી દેવી.હવે તેને જ્યાં સુધી મિશ્રણ કડાઈ થી છૂટું ના પડે ત્યાં સુધી સતત હલાવતા રહો.

થોડી વાર હલાવસો એટલે મિશ્રણ ઘટ્ટ થવા લાગશે અને કડાઈ મા ચિપકસે નહિ.મિશ્રણ ઘટ્ટ થાય એટલે એક ગ્રીસ કરેલા મોલ્ડ મા પાથરી દો.મે અહી થોડું જ માપ લીધું છે એટલે થોડા જ પીસ તૈયાર થશે.તેને ૨ થી ૩ કલાક માટે સેટ થવા દો.ઉપર થોડી બદામ પિસ્તા ની કતરણ ભભરાવી દો.ગરમ હોય એટલે તે તરત ચોંટી જશે.

હવે ઠરી જાય પછી તેના કાપા પાડી લો.એક સર્વિંગ પ્લેટ મા ગોઠવી દો.

તો તૈયાર છે મુંબઈ નો ફેમસ કરાચી હલવો.