બરાબર રીતે સાફ કરેલા મોરૈયાને મિક્સર ની જારમાં લઈ તેને બારીક ક્ર્સ કરવાનો છે.

એક નોનસ્ટિક કડાઈમાં પાણી ઉકાળી મૂકી તેમાં જીરુ, સફેદ તલ અને આદુ મરચાની પેસ્ટ ઉમેરવાની છે.

ત્યારબાદ તેમાં સીંગતેલ અને સ્વાદ અનુસાર મીઠું ઉમેરી કડાઈને ઢાંકીને એક મિનિટ માટે પાણી ઉકળવા દેવાનું છે.

હવે તેમાં ક્રશ કરેલો મોરૈયો ઉમેરી બરાબર રીતે મિક્સ કરી ફરી તેને ઢાંકીને બે મિનિટ માટે ફૂક થવા દેવાનો છે.

એક બાઉલમાં આ મિશ્રણ લઈ તેમાં મેશ કરેલા બાફેલા બટેટા, સીંગદાણાનો ભૂકો અને ખાંડ ઉમેરવાના છે.

ત્યારબાદ તેમાં સુકા ટોપરાનું ખમણ, સમારેલી કોથમીર અને મરી પાવડર ઉમેરવાનો છે.

હવે તેમાં આદુ મરચાની પેસ્ટ, સંચળ પાવડર, સ્વાદ અનુસાર મીઠું અને લીંબુનો રસ ઉમેરી બધું બરાબર રીતે મિક્સ કરી લેવાનું છે.

એક કડાઈમાં તળવા માટેનું તેલ ગરમ મૂકી તૈયાર કરેલા મિશ્રણ માંથી ટીકી જેવું વાળી તૈયાર કરી લેવાનું છે.

આજ રીતે બધા વડા તળીને તૈયાર કરી લેવાના છે.