मुगडाळ चार तास भिजत ठेवा.. कढईत एक कप पाण्यात डाळ घालून पाच मिनिटे वाफवून घ्या. चाळणीवर ओतून घ्या व पाणी निथळून घ्यावे

तोपर्यंत पीठ मळून घ्या..परातमध्ये मैदा चाळून घ्या, मीठ घाला व तूप थोडे मेल्ट करून घाला. सगळ्या मैद्याला चोळून घ्या.. मुठीत मैद्याचे मुटके झाले पाहिजे.. थोडे थोडे पाणी घालून पीठ जास्त घट्ट ही नाही आणि खुप सैल ही नाही अशा पद्धतीने पीठ मळून घ्या

स्टफिंग चे सर्व साहित्य एकत्र जमवून घ्या.. धने, जीरे, बडीशेप मिक्सरमध्ये जाडसर भरडा करून घ्या..

वाफवलेली डाळ मिक्सरमध्ये जाडसर वाटून घ्या.. पॅनमध्ये बेसन पीठ भाजून घ्या.. प्लेटमध्ये काढून घ्या.. पॅनमध्ये तेल गरम करून त्यात जीरे,धने, बडीशेप ची भरड परतून घ्या. सुके मसाले घालून छान परतून घ्या.. आता डाळीची भरड घालून घ्या

व छान मंद आचेवर खरपूस परतून घ्या.. जेणेकरून सगळे मसाले व डाळीची भरड एकजीव होतील.. बेसन पीठ, मीठ घालून दोन तीन मिनिटे परतून घ्या..तयार आहे कचोरी च्या आतील स्टपिंग..

स्टपिंग प्लेटमध्ये काढून थंड झाल्यावर त्याचे छोट्या आकाराचे गोळे बनवून घ्या म्हणजे कचोरी बनवताना सोपे जाईल..आता पीठ परत चांगले मळून घ्या व छोटे छोटे गोळे तोडून घ्या. पीठाचा गोळा हातावर घेऊन एकसारखा करून त्याची पारी करून घ्या व त्यात स्टपिंग भरून गोल गरगरीत मिनी कचोरी बनवून घ्या..

गॅसवर कढईत तेल मिडीयम गॅसवर गरम करून गॅस लो टू मिडीयम करून एक एक कचोरी टाकून मस्त सोनेरी रंगावर तळून घ्या..

मस्त खस्ता मिनी कचोरी हिरवी चटणी,चिंचगुळाची चटणी, तळलेल्या मिरची सोबत सर्व्ह करा..