સૌપ્રથમ ચણાની દાળને ધોઈ અને પાણીમાં બે કલાક માટે પલાળી રાખવી. ૨ કલાક પછી દાળ સરસ ફૂલી જશે અને સોફ્ટ થઈ જશે એટલે ચારણી માં પાણી નિતારી લેવું. હવે દુધી ને કટ કરી લેવી.

કૂકરમાં તેલ ગરમ કરો. તેમાં રાઈ, જીરુ, હિંગ અને લસણનો વઘાર આપો. હવે તેમાં દાળ, દૂધી અને ટામેટા એડ કરો. મીઠું નાખી અને મિક્સ કરો. હવે ધીમા તાપે કુકર ખુલ્લુ જ રાખો અને દૂધીનું પાણી છૂટે ત્યાર પછી મિક્સ કરી અને 1/2 કપ પાણી રેડો. કુકર બંધ કરી અને બે વ્હિસલ વગાડવી. કુકર ઠંડું પડે એટલે ફરીથી ગેસ ચાલુ કરવો. ધીમા તાપે શાકને રાખી અને તેમાં તમામ મસાલા એડ કરી દો. હવે ધીમે ધીમે તેલ છૂટું પડવા લાગે એટલે ગેસ ઓફ કરી તેમાં ધાણા નાંખી મિક્સ કરી લેવું. તૈયાર છે દૂધી ચણાની દાળનું શાક.