સર્વ પ્રથમ એક બાઉલ મા રવો, દહીં, નમક, વટાણા, ડુંગરી, ફણસી, ફૂલકોબી અને આદૂ-મરચા ની પેસ્ટ પાણી મા નાંખી મીક્સ કરી, ૧૦-૧૫ મિનીટ માટે સાઇડ પર રાખવું।

એક વઘાર કરવાના વાસણ મા તેલ ગરમ કરવું। તેલ ગરમ થાય ત્યારે તેમાં રાય તથા લીંબડા ના પાન નો વઘાર કરી, રવા વાળા મિશ્રણ મા નાંખી મીક્સ કરવું।

અપ્પમ ની લોઢી ગેસ પર તેલ લગાડી ધીમા તાપે ગરમ થવા મુકવી। હવે પેલા મિશ્રણ મા ઇનો નું પાઉચ નાંખી મીક્સ કરવું। બહુ ના હલાવવું।

દરેક મોલ્ડ મા ૧-૧ ચમચી મિશ્રણ નાંખી ઢાંકી ને ૩ મિનીટ પાકવા દેવું।

૩ મિનીટ બાદ અપ્પમ નીચે થી પાકી ગયા હોય, તેને પલટાવતા પહેલા ઉપર ૨-૩ ટીપા તેલ લગાડવું।

હવે અપ્પમ ને ચમચી વડે પલટાવી બીજી બાજુ પણ ૩ મિનીટ પાકવા દેવું।

તમારું ગરમા ગરમ રવા અપ્પમ તૈયાર છે। તેને ગ્રીન ચટની અથવા કેચપ સાથે સર્વ કરો।