સૈા પ્રથમ એક બટાકા ને બાફી ને મેશ કરો. હવે એક કડાઈમાં તેલ ગરમ કરો. ગરમ થાય એટલે તેમાં રાઈ જીરૂ ઉમેરો રાઈ તતડે એટલે તેમાં ઊભી સમારેલી ડુંગળી, લીલા મરચાં નાખી સાંતળો. સંતળાઈ જાય એટલે તેમાં લીમડો, હીંગ ઉમેરો. હવે તેમાંઝીણા સમારેલા ટામેટા ઉમેરો. ટામેટા ગળે ત્યાં સુધી સાંતળો.

ત્યાર બાદ તેમાં મેશ કરેલા બટાકા ઉમેરી બરાબર મિકસ કરો. હવે ખરીદો મરચું મીઠું હળદર ધાણાજીરું ઉમેરી બરાબર મિકસ કરો. જરૂર પડે તો થોડું પાણી ઉમેરી મસાલા ભળી જાય ત્યાં સુધી પકાવો. બધા મસાલા ભળી જાય એટલે ગેસ બંધ કરી દો. તેને ડીશ માં લઇ કોથમીર થી સજાવી પીરસો. તો તૈયાર છે આલુગેડ્ડા.