સૌપ્રથમ ભૂટટે કા કીસ, માટેની બધી આઇટમ તૈયાર કરી લેવી. હવે સૌપ્રથમ મકાઈ ની છાલ કાઢી એને ખમણીને લચકો કરી લેવો.

ત્યારબાદ એક લોયામાં તેલ ગરમ મૂકી રાઈ નો વઘાર કરી મરચા વઘારવા. મરચા સરખા ચડી જાય તેમાં સ્વાદ મુજબ મીઠું અને ચપટી હળદર નાંખવી અને સરખું મિક્સ થાય એટલે લચકો નાખી દેવો. બે પાંચ મિનીટ હલાવીને તેમાં મીઠું સ્વાદ પ્રમાણે, હળદર શેકેલા જીરું નો પાવડર નાખીને થોડી વાર હલાવો.

સરખું મિક્સ થઇ જાય પછી તેમાં ૧ વાટકી દૂધ નાખીને પાંચ-સાત મિનિટ ચડવા દેવું. ચડી જવા આવે એટલે એમાં એક ચમચી ઘી, અને એક બે ચમચી જેટલી ખાંડ નાખવી. સરખું મિક્સ થઇ જાય પછીએક બાઉલમાં કાઢી તેમાં ઉપર કોપરાનું છીણ, કોથમીર અને કેસર ભભરાવો.ભૂટટે કા કીસ તૈયાર.