સૌ પ્રથમ નાયલોન પૌંઆને તડકે તપવવા, ત્યારબાદ તેને એલ્યુમિનિયમ/નોનસ્ટિકનાં જાડા તળિયાવાળા તાંસળામાં ૨-૩ મિનિટ માટે ધીમી આંચે શેકો. સ્ટીલનાં વાસણમાં ન શેકવા નહીંતર પૌંઆ બળી જશે. એટલે આ ધ્યાન રાખવું. ત્યારબાદ પૌંઆને એક પ્લેટમાં કાઢી લો.

તાંસળામાં ધીમી આંચે તેલ ગરમ કરવા મૂકો. તેલ ગરમ થાય પછી તેમાં રાઈ, હિંગ, મીઠો લીમડાનાં પાન ઉમેરો.

રાઈ અને મીઠો લીમડો તતડી જાય પછી તેમાં ૧ ચમચી હળદર, સીંગદાણા, દાળિયા નાખી થોડી વાર બધું તેલમાં શેકાઈ જાય પછી તલ નાખવા. તેમાં કાજુ, કિશમિશ તથા સમારેલું સૂકું કોપરું પણ ઉમેરી શકાય છે.

પછી તેમાં પૌંઆ ઉમેરી બરાબર મિક્સ કરવું, પછી તેમાં હળદર, લાલ મરચું, મીઠું ઉમેરી મિક્સ કરી થોડીવાર શેકવું.

પૌંઆ શેકાઈ જાય બધો મસાલો બરાબર ચઢી જાય પછી તેમાં દળેલી ખાંડ નાખી મિક્સ કરવું પછી ગેસ બંધ કરી ઠરે પછી એરટાઈટ કન્ટેનરમાં ભરી લેવો.