સૌ પ્રથમ એક કડાઈમાં પૌંઆને મધ્યમ તાપે ૧૦ થી ૧૨ મિનિટ સુધી શેકી લેવા અને તેને બીજા બાઉલમાં કાઢી લો.

હવે એ જ કડાઈમાં ઘી ગરમ થાય એટલે તેમાં કાજુ ટુકડા ઉમેરીને સોનેરી રંગના થાય ત્યાં સુધી થવા દો. એને બાજુ પર કાઢી લો. હવે ૨ ચમચી તેલ ગરમ થાય એટલે તેમાં મગફળી તળી લો.કાજુ સાથે મૂકી દો.

હવે બાકીનું તેલ ગરમ થાય એટલે તેમાં તલ,મરચાં અને લીમડાના પાન નાખી ૨ મિનિટ બાદ દાળિયા ઉમેરો અને બરાબર હલાવી લો.

અજમો અને ધાણા થોડા શેકીને અધકચરા ખાંડી લો.

હવે મગફળી અને કાજુ ટુકડા, હળદર પાવડર અને મીઠું ઉમેરીને બરાબર મિક્ષ કરી લો. શેકેલા પૌંઆ ઉમેરો અને બરાબર મિક્સ કરો. ૫ મિનિટ બાદ ગેસ પરથી ઉતારી લો.

હવે મસાલા બઘા મિક્સ કરી લો અને તેમાં ઉમેરો સાથે સાકરિયા દાણા અને ધાણા-અજમો ઉમેરો અને બરાબર હલાવી લો. એર ટાઈટ ડબ્બામાં ભરી લો.