ડુંગળીની છાલ કાઢીને નીચેની બાજુએ આડો અને ઉભો ચીરો કરી લેવો. કડાઈમાં તેલ ગરમ કરી તેમાં આખી ડુંગળી સાંતળવા મુકી દેવી. ગૅસ ફૂલ રાખવો.

ડુંગળી સંતલાય ત્યાં સુધીમાં સીંગદાણા ક્રશ કરી પાવડર બનાવી લેવો. અને ટામેટા ક્રશ કરી લેવા.

ડુંગળી લાલ થાય એટલે તેમાં આદુ મરચાં ની પેસ્ટ ઉમેરી લેવી. પછી હળદર અને લીલુ લસણ ઉમેરવું.

ત્યાર બાદ ટામેટાની પ્યુરી ઉમેરી સાંતળવું. તેલ છૂટુ પડે એટલે તેમાં કાજુના ટુકડા ઉમેરી લેવા. હવે તેમાં મરચુ, મીઠું, ધાણાજીરુ, બાદિયા અને આચાર મસાલો ઉમેરી મિક્સ કરી લેવુ.

હવે તેમાં સિંગદાણાનો ભુકો ઉમેરવો અને પાપડીને હાથથી ક્રશ કરી ઉમેરી લેવી.

ત્યાર બાદ તેમાં દહીં ઉમેરી બરાબર મિક્સ કરવું પછી છીણેલું પનીર ઉમેરી લેવું.