સૌપ્રથમ 250 ગ્રામ ગ્રામ લીલી ડુંગળી લેવી અને 250 ગ્રામ ગ્રામ ટામેટાં લેવા. બંને વસ્તુને ઝીણા સમારવા અને પાંચ આખી ડુંગળી લેવી તેના પણ ચાર ભાગ કરવા.

ત્યારબાદ એક લોયામાં પાંચ ચમચી તેલ લઇ ગેસ પર ગરમ મૂકવું અને આખી ડુંગળી ના જે ટુકડા કરેલા છે તેને તેલમાં નાંખવા સાંતળવા. ત્યારબાદ આ તેલમાં બે સુકા મરચા, 3 લવિંગ, તમાલ પત્ર, લસણની પેસ્ટ નાખીને સાંતળવા. ત્યારબાદ 200 ગ્રામ સમારેલી લીલી ડુંગળી, લીલા મરચાં આદુની પેસ્ટ નાંખીને સાંતળવા.

પછી એક ડીશમાં સીંગદાણાનો ભૂકો, પાપડી ગાંઠિયા નો ભૂકો, મરચું, ધાણાજીરૂ, આમચૂર પાઉડર, ગરમ મસાલો, આચાર મસાલો, ગોળ, જરૂર મુજબ મીઠું નાખીને હાથથી પીસીને ચટાકેદાર મસાલો તૈયાર કરો. ત્યારબાદ લોયા માં જે મસાલો સાંતળેલો છે તેમાં તેલ છૂટું પડે ત્યારબાદ ચટાકેદાર મસાલો નાખવો અને સાંતળવો તેમાંથી તેલ છૂટું પડે પછી ટામેટાં ની ગ્રેવી નાખવી ઉપર ઢાંકણ ઢાંકવું.

ત્યારબાદ ટામેટાની ગ્રેવી નાખ્યા બાદ તેલ છૂટું પડે પછી તેમાં લીલા મરચાં, ક્રિમી પેસ્ટ માટે ત્રણ ચમચી દહીં, કાજુના ટુકડા અને પા કપ પાણી નાખી બરાબર હલાવો.આમ આપણું ચટાકે દાર લીલી ડુંગળી નું ડુંગળીયું તૈયાર થશે.

ત્યારબાદ એક બાઉલમાં ઘઉંનો લોટ લઇ તેમાં 3 ચમચી તેલ નાખી પરોઠાનો લોટ બાંધી દસ મિનિટ રહેવા દહીં તે માંથી મોટા લૂઆ બનાવી પરોઠો તૈયાર કરો.

ત્યારબાદ એક પેન માં પરોઠા નાખી એક સાઈડમાં તેને ગરમ કરી ઉલટાવી અને લીલી ડુંગળી અને જે મસાલો તૈયાર કરેલો છે તે નાખી પેક કરી શેલો ફ્રાય કરી અને પરોઠા તૈયાર કરવા. ત્યાર બાદ એક ડીશમાં લીલી ડુંગળી નું ડુંગળીયું તથા પરોઠા અને લસણની ચટણી મૂકીને ગોઠવવું. આજુબાજુ લીલી ડુંગળી મૂકીને ડેકોરેટ કરી આ ચટાકેદાર ડુંગળીયું તથા પરોઠા અને ચટણી સાથે સર્વ કરવું આ ખાવામાં ખૂબ જ ટેસ્ટી ચટાકેદાર અને લાજવાબ બને છે