સૌ પ્રથમ દાળ ને ૧ કલાક પહેલા જ ધોઈને પલાળી રાખવી. ત્યાર બાદ તેને બાફી લેવી. બફાઈ ગયા બાદ તેને હેન્ડ મિક્સર થી ગ્રાઇન્ડ કરી લેવી. અને એક કડાઈ માં લો.હવે તેમાં હળદર, મીઠુ, ગોળ ઉમેરી દો. અને ધીમા તાપે ઉકળવા દો. એક થાળીમાં લોટ ચાળી લો. તેમાં બીટ નું છીણ, હળદર, મીઠું, મરચું, તેલ ઉમેરી ને કણક તૈયાર કરો.

આ કણક ને બરાબર મસળીને ૧૦ મિનીટ માટે ઢાંકી દો. ત્યાર બાદ તેના એક સરખા લુવા કરી રોટલા વણી લો.

એક ગ્લાસ ની મદદ થી ગોળ આકાર નાની નાની પૂરીઓ તેમાંથી તૈયાર કરી લો. હવે તેને ત્રણ બાજુથી સાથે કરી ને ફોટા માં બતાવ્યાં મુજબ ફૂલ તૈયાર કરી લો.

ઉકળતી દાળ માં આ ઉમેરી દો. હવે ગેસ પર એક નાની કડાઈ માં ઘી અને તેલ મૂકી રાઈ જીરું નો વઘાર કરી લો.

તેમાં લીમડાના પાન, તજ, લવિંગ, બદિયના, તમાલપત્ર, ટામેટા ના ટુકડા, હિંગ, મરચું ઉમેરો. ૨ મિનીટ ચડવા દો.પછી ઉકળતી દાળ માં આં વઘાર ઉમેરી દો.

બરાબર મિક્સ કરી લો. ૧ મિનીટ ચડવા દો. તો તૈયાર છે દાલ કી દુલ્હન ઈન ગુજરાતી સ્ટાઇલ. ખૂબ જ સ્વાદિષ્ટ અને સરળ અને પોષ્ટીક.