સૌપ્રથમ પ્રમાણસર મેથીની ભાજી અને કોથમીર લો. પછી એક પ્લેટમાં લોટ લો. અને તેમાં મીઠું, હીંગ, હળદર, અને ધાણાજીરૂ લો. ત્યારબાદ લોટમાં મેથીની ભાજી અને કોથમીરને ધોઈ અને સમારી લો.

અને જરૂર મુજબ તેલ અને પાણી ઉમેરી લોટ બાંધી લો. પછી તે નાનો લુવો કરી ઢેબરું વણી લો

અને તેને તવા પર બંને બાજુ પર તેલ લગાવી બદામી રંગના શેકી લો.

આદુ નું અથાણું બનાવવા માટે સૌ પ્રથમ આદુને સરખી રીતે ધોઈ લો પછી તેમાં નાખવા માટેની બધી સામગ્રી જેમાં બે ચમચી લીંબુ, બે ચમચી હળદર, સ્વાદ મુજબ મીઠું, પા ચમચી અજમા, ચપટી હિંગ, પા ચમચી મરચાની ભૂકી એક પ્લેટમાં તૈયાર કરો. ત્યારબાદ આદુ ને સરખી રીતે ધોઈ અને છાલ ઉતારી લો. ત્યારબાદ એક વાટકામાં અજમો, હળદર, મીઠું, મરચું, લીંબુનો રસ, અને હિંગ મિક્સ કરો. અને આદુના ઝીણા કટકા સમારી લો.

ત્યારબાદ વાટકામાં ના મિશ્રણને સરખી રીતે મિક્સ કરી લો. પછી આદુ ઉમેરી દો. અને તેને કાચની બરણીમાં ભરી દો.

તમે ચાહો તો આ ઢેબરાને દહીમા અળસી ના પાન ના રાયતા સાથે પણ સર્વ કરી શકો છો.

તો કેવી લાગી મારી રેસીપી તે મને જરૂરથી જણાવશો