સૈા પ્રથમ એક કૂકર માં દાળ ને 4/5 સીટી વગાડી બાફી લો. પછી તેને બ્લેન્ડર થી જેરી લો. પછી એક કડાઈ માં તેલ મૂકી તમાં રાઈ જીરું ઉમેરો.લીલાં મરચાં ને લીમડો નાખી દો.પછી ટામેટાં ઉમેરો. પછી તેમાં દાળ ઉમેરી બરાબર મિક્સ કરો. હવે તેમાં હળદર મીઠું મરચું ધણાજીરું બધો મસાલો નાખી બરાબર હલાવી લો. તેને ઉકળવા દો.

હવે એક વાસણમાં ઘઉં નો લોટ લઈ તેમાં હળદર મીઠું મરચું ધણાજીરું તેલ નાંખી પાણી થી લોટ થેપલા જેવો લોટ બાંધવો. હવે એક વાસણમાં બટેટાં ને મેશ કરી તેમા શિંગ નો ભુક્કો લો તેમાં હળદર મીઠું મરચું ધણાજીરું લીંબુ નો રસ ખાંડ ઉમેરો મિક્સ કરી તેનાં નાનાં નાનાં ગોળા વાળી લો.

હવે લોટ માંથી લૂઆ બનાવીને તેની નાની પૂરી વણી લો. પછી તેમાં તૈયાર કરેલા ગોળા મૂકી દો.તેને કચોરી અથવા ઘુઘરા નાં શેઇપ માં વળી લો. હવે તેને ઉકળતી દાળમાં નાંખી દો. 20/25 મીનીટ સુધી ઉકળવા દો. થઈ જાય પછી તેમાં કોથમીર ભભરાવીને ગાર્નિશ કરો. તૈયાર છે સ્વાદિષ્ટ અને પોષ્ટીક દાળ ઘુઘરા ઢોકળી.