કડાઈ લઈ એમાં થોડું તેલ નાખી કાજુ ને ધીમા ગેસ પર ગોલ્ડન કલર ના થાય ત્યાં સુધી સેકવાના છે.

હવે બીજી કડાઈ લઈ એમાં બાકી વધેલું બધું તેલ લઈ એમાં જીરું, તજ, લવિંગ, ઇલાયચી નાખી એને થોડું સાંતળી લેવું.

પછી એમાં ડુંગળી નાખી એને થોડી વાર માટે કુક કરવું. હવે એમાં આદું, લસણ નાખી એને ચડવા દેવું. પછી એમાં ટામેટા નાખી બરાબર હલાવી ઢાંકણ ઢાંકી ૪-૫ મિનીટ માટે ચડવા દેવું.

હવે આ મિશ્રણને ઠંડુ પડવા દેવું. પછી એને મિકસર જાર માં લઇ એમાં પાણી નાખ્યા વિના જ પીસી લેવું. વચ્ચે ઢાંકણ ખોલી એમાં ૫-૭ શેકેલા કાજુ નાખી, ૨ ચમચી પાણી નાખી બારીક પીસી લેવું.

હવે કડાઈ લઈ એમાં ૧-૨ ચમચી તેલ લઈ ગરમ થાય પછી ગેસ બંધ કરી એમાં હળદર, લાલ મરચું, ધાણા જીરું પાઉડર નાખી બરાબર મિક્ષ કરી લેવું. (આનાથી મસાલા બળસે નહી)

હવે ગેસ ચાલુ કરી એમાં તૈયાર કરેલી પેસ્ટ નાખી બરાબર મિક્ષ કરી લેવું. હવે એને સતત હલાવતા રહીને ૧-૨ મિનીટ માટે ચડવા દેવું.

હવે એમાં ૧ કપ પાણી નાખી હલાવી એને ઢાંકી ને ૨-૩ મિનીટ માટે ચડવા દેવું.

હવે એમાં ગરમ મસાલો, મીઠુ, કસૂરી મેથી, ક્રીમ નાખી બરાબર મિક્સ કરી લેવું. હવે એમાં કાજુ નાખી ૨-૩ મિનીટ પકાવવું.

છેલ્લે એમાં કોથમીર નાખી મિક્સ કરી એને ગરમા ગરમ સર્વ કરો.