સૌપ્રથમ પૂરણ બનાવવા માટે મગની મોગર દાળને ૨ થી ૩ વાર પાણીથી ધોઈ ૨ કલાક માટે પલાળી રાખો.ત્યારબાદ દાળનું બધું પાણી નિતારી લઈ તેને મિક્સર જારમાં નાખી ૧ વાર ૩ થી ૪ સેકંડમાં પીસી લો.

ગેસ પર કડાઈ મૂકી તેમાં ૨ થી ૩ ચમચી તેલ નાખી, તેલ ગરમ થાય એટલે જીરું ઉમેરો.જીરું કકળી જાય એટલે તેમાં અધકચરા વાટેલા ધાણા નાખી ચણાનો લોટ ઉમેરી સુગંધ આવે ત્યાં સુધી ૨ થી ૩ મિનિટ લોટને શેકાવા દો.

પૂરણ ઠંડુ થાય ત્યાં સુધી એક કથરોટમાં મેંદો, ૨ ચમચી સોજી (રવો), મીઠું અને મોણ માટે તેલ ઉમેરી પૂરીનો લોટ બાંધી ૧૦ થી ૧૫ મિનિટ ઢાંકીને રહેવા દો.(અજમો પણ ઉમેરી શકાય.) ૧૫ મિનિટ બાદ લોટના થોડા મોટા લુવા કરી લો.

ગેસ પર તેલ ગરમ મૂકી બધી કચોરી મીડીયમ આંચે ગોલ્ડન બ્રાઉન તળી લો. કચોરી ને તેલમાં નાખી ઝારા વડે ધીરે - ધીરે પ્રેશ કરવી જેથી બધી કચોરી ફૂલશે.

તો તૈયાર છે ગરમા ગરમ "મગની દાળની ખસતા કચોરી". કચોરીને ડિશમાં કાઢી વચ્ચે હાથ વડે પ્રેશ કરી, hole કરી લઈ તેમાં ઝીણી સમારેલી ડુંગળી, લીલી ચટણી, ખજૂર - આંબલીની ચટણી, ઝીણી સેવ અને કોથમીર ભભરાવી સર્વ કરો.

દહીં, બીટ અને દાડમના દાણા પણ ઉમેરી શકાય. કઠોળના સફેદ વટાણા આવે તેનો રગડો બનાવી ને પણ પૂરણ ભરી શકાય.