સૌપ્રથમ ચોકલેટ ફ્લેવર ના બિસ્કીટ નાના-નાના ટુકડા કરીને એક મિક્સર જારમાં ઉમેરી તેનો એકદમ બારીક પાઉડર કરી લેવો. ત્યારબાદ તેમાં દૂધ, ખાંડ, અને બેકિંગ પાઉડર ઉમેરી મિક્સર જારમાં ક્રશ કરી લેવુ.

ત્યારબાદ આ મિશ્રણને કેક મોલ્ડ માં બટર અને મેંદાના લોટ વડે ગ્રીસ કરી ઉમેરી દેવું. ત્યાર બાદ એક કૂકરમાં સીટી અને રીંગ કાઢીને એક બાઉલ મીઠું ઉમેરી તેમાં લીડ કે રસોઈ માં વપરાતો કાંઠો મૂકી તેને ૫ મિનિટ વધારે તાપ પર પ્રી હિટ કરી લેવું

ત્યાર પછી તેમાં કેક ટિન મૂકી તેને ધીમા તાપે ૨૫ થી 30 મિનિટ બેક થવા દેવું. આ વસ્તુ ઓવનમાં કરવું હોય તો સો ડિગ્રી તાપમાન પર 20 થી 25 મિનિટ બેક કરી શકાય. ત્યારબાદ તેને એક કલાક માટે ઠંડું થવા દેવું ઠંડું થઈ જાય એટલે તમારી પાસે જે સાઈઝ ની જાર હોય એ જાર મુજબ કેકને 3 નાના રાઉન્ડ શેપમાં કટ કરી લેવી.

ત્યારબાદ આઈસીંગ માટેની ક્રીમ બિટર વડે તૈયાર કરી લેવું. ત્યાર પછી કેક માટેની જાર ને તમને પસંદ હોઈ એ રીતે ડેકોરેટ કરી લેવી. ચોકલેટ સ્લેબ ને ડબલ બોઈલર ની રીતથી ઓગાડી લેવી.મેં અહીં મેલ્ટ ચોકલેટ તેમજ બિસ્કીટ જેમ્સ, પર્ક, ચોકલેટ સેવ મદદથી ચોકલેટ જાર માં ડેકોરેશન કરેલું છે.

ત્યારબાદ ચોકલેટ જારને દસ મિનિટ ફ્રીઝરમાં સેટ થવા મૂકવી હવે એક પાઈપીન બેગમાં સ્ટાર નોઝલ લગાવી તેમાં આઈસીંગ ક્રીમ ભરી જારના તળિયે થોડું આઈસીંગ ક્રીમ ઉમેરવું તેના પર કેક નું રાઉન્ડ શેપમાં કટ કરેલુ પીસ મૂકવું. આ પ્રક્રિયા ત્રણ વાર કરવી. ત્યારબાદ તેની પર ક્રીમ થી જાર ના ઉપરના ભાગે ડેકોરેશન કરી તેના પર ચેરી, જેલી, ચોકલેટ સેવ, તેમજ કોન વડે ડેકોરેશન કરવું.

અહીં કોન સાદો લીધેલો છે. જેમા ઓગાળેલી ચોકલેટ ભરી તેના પર આઈસીંગ ક્રીમ તેમજ ચોકલેટ સેવ થી ડેકોરેશન કરેલું છે.

બધું જ તૈયાર થઈ જાય પછી જારને 20 મિનિટ સુધી ફ્રીઝના સેટ કરવા મૂકવી. તો આ રીતે તૈયાર છે મોઢામાં પાણી લાવી દેતી સ્વાદિષ્ટ ચોકો લોડેડ જાર કેક.