સ્ટફિંગ માટે સૌપ્રથમ બટેકા અને ડુંગળી એક સાથે બાફી લેવા. બફાયેલા ડુંગળી-બટેકાંમાં તમામ સામગ્રી ઉમેરી બને ત્યાં સુધી હાથેળી લગાવ્યા વગર મીક્ષ કરવું (જેથી મિશ્રણ ઢીલું નહી થઇ જાય). બધું મીક્ષ થઈ ગયા બાદ એક ચમચી તેલ ગરમ મૂકી હળદર, આદું મરચાની પેસ્ટ તથા લસણની પેસ્ટ સાંતળી બટેટાંના માવામાં ઉમેરવું. ઠંડું પડે પછી છેલ્લે થોડીક જ વાર માટે હથેળીની મદદથી સરખું મીક્ષ કરી લેવું.

ઉત્તપમ બનાવતા માટે નોનસ્ટિક પેન અથવા કોઈપણ લોખંડની પેનમાં એક ચમચી તેલ અથવા ધી બ્રશ કરી સરખું ગ્રીસ કરવું. (તવાને તેલ લગાવ્યા બાદ સરખો સાફ કરવો જરૂરી છે જેથી તેલ વચ્ચે જમા ન થઈ જાય નઇતર ખીરું ત્યાંથી તરત જ ઊંચું આવી જશે ને ગોળ પાથરવામાં મુશ્કેલી થશે.) ત્યારબાદ ગેસની આંચ એકદમ જ ધીમી કરી ખીરું પાથરવું. સરખું પથરાય જાય પછી આંચ હાઇ કરી, એક બાજું સરખું શેકાઈ જાય પછી ઉથલાવી બીજી બાજુ પણ સરખો કુક કરી લો.

ઉત્તપમ ફરી એક વાર ઉથલાવી ટોમેટો કેચપ અને લીલી ચટણી લગાવી ૧૫ સેંકડ સુધી કુક થવા દો.

ગરમાં ગરમ રોલને એક સરખાં ભાગમાં ક્ટ કરી લીલી ચટણી તથા દહીં સાથે પીરસો