એક બાઉલમાં 2 વાટકી ચણા નો લોટ, મરીનો પાઉડર, લવિંગ નો પાઉડર, મીઠું, કાશ્મીરી મરચું, હિંગ, ખાવાનો સોડા, હળદર અને ચાટ મસાલો નાખી બધું બરાબર મિક્ષ કરો

હવે તેમાં થોડું થોડું પાણી નાખી તેનો સેવ પાડવા જેટલો થોડો ઢીલો લોટ બાંધો. અને હાથ માં થોડું તેલ લઈ તેને 5 મિનિટ સુધી બરાબર મસળી લોટ તૈયાર કરો. અને 10 મિનિટ રેસ્ટ આપો.

હવે કડાઈ માં તળવા માટે તેલ ગરમ મુકો.અને સેવ પાડવાના સંચા માં સેવ ની જાળી લઈ સંચા માં બધે જ તેલ લગાવો. અને બાંધેલા લોટ નો લુઓ લઈ સંચા માં ભરો.

ત્યારબાદ સંચો બન્ધ કરી તેલ માં ઉપરથી સંચો ગોળ ગોળ ફેરવી તેલમાં સેવ પાડો અને ક્રિસ્પી થાય ત્યાં સુધી તળો.

બધી સેવ નો થોડો મોટો ભૂકો કરી ઉપર થી સંચળ અને કાશ્મીરી મરચું ભભરાવી બરાબર મિક્સ કરી સર્વ કરો. સંચળ સેવ તૈયાર છે.